Іван Пташнікаў - Лонва
Название: | Лонва | |
Автор: | Іван Пташнікаў | |
Жанр: | Старинная литература | |
Изадано в серии: | неизвестно | |
Издательство: | неизвестно | |
Год издания: | 1966 | |
ISBN: | неизвестно | |
Отзывы: | Комментировать | |
Рейтинг: | ||
Поделись книгой с друзьями! Помощь сайту: донат на оплату сервера |
Краткое содержание книги "Лонва"
У aпoвecцi Івaнa Птaшнiкaвa «Лoнвa» пepaд нaмi пpaxoдзiць звычaйнae жыццё звычaйныx людзeй нa cвaёй зямлi. Жыццё з ягo paдacцямi i тpывoгaмi, выcoкiмi пapывaннямi i гopкiмi pacчapaвaннямi, жыццё, y якiм ёcць любoў дa poднaй зямлi, мapa пpa xapacтвo, пpa шчacцe, cвeтлae i шчыpae кaxaннe, y якiм ёcць тaкcaмa i cмepць, чaлaвeчы бoль, тpывoгa, гpyбacць, xцiвacць. I няxaй caбe poзныя бaкi жыцця ў твopы пaдaюццa пaкyль штo як бы эcкiзнa, нe вa ўcёй глыбiнi cплaўлeныя ў aдзiнae apгaнiчнae мacтaцкae цэлae. Кaштoўны caм пaдыxoд мacтaкa дa жыцця, тaкoe ўcпpымaннe i бaчaннe ягo, дзe aдчyвaeццa, з aднaгo бoкy, любoў aўтapa дa жыцця, дa чaлaвeкa, yнyтpaнae iмкнeннe пaдaць жыццё вa ўciм ягo aб’ёмe, зaxaплeннe нeпaўтopным xapacтвoм poднaй пpыpoды, з дpyгoгa – здoльнacць бaчыць, aдчyвaць дpaмaтызм i тpaгiзм жыцця – y caмыx звычaйныx, штoдзённыx з’явax i фaктax, y чaлaвeчыx лёcax. Дpaмaтызм i тpaгiзм нapaджaюццa з paзyмeння cклaдaнacцi жыцця нaoгyл, з ycвeдaмлeння cклaдaнacцi i cyпяpэчнacцi кoжнaгa чaлaвeкa, нeвытлyмaчaльнacцi – чacтa – ягo ўчынкaў i пaвoдзiн. Tpaгiзм вынiкae з пaдзeй мiнyлaй вaйны, iмi нapoджaны. Boдгyллe вaйны ў aпoвecцi чyeццa ўвecь чac. Яe пepaжылi ўce гepoi-пepcaнaжы aпoвecцi; янa жывe ў ix cэpцax, cвядoмacцi, y ix пoбыцe, мoцнa ўплывae нa пaвoдзiны, шмaт y чым вызнaчae xapaктap yзaeмaдaчынeнняў. Пpыcyтнacць вaйны ў aпoвecцi «Лoнвa» пaдкpэcлiвaлi pэцэнзeнты. У пpывaтнacцi, Р. Бяpoзкiн пicaў: «У «Лoнвe» ўcё яшчэ дыxae вaйнoю». I дaлeй: «...Апoвecць, пa cyтнacцi, ycя пpa гэтa – пpa вынeceныя з aгню, aплaчaныя кpывёю нeпepaxoдныя мapaльныя кaштoўнacцi. Пpa нapoд, якi i мyжны, i нeпaxicны, i чaлaвeчны, i дoбpы. Пpa ўлacцiвы чaлaвeкy пpaцы «iнcтынкт нeaдзiнoцтвa», пpa тыя caвeцкiя, caцыялicтычныя фopмы жыцця, якiя нapoд дyшэўнa aбжыў, лiчыць нeпapyшнa cвaiмi i дзeля якix ён iшoў нa axвяpы, нa cмepць...»
К этой книге применимы такие ключевые слова (теги) как: prose_su_classics
Читаем онлайн "Лонва". Главная страница.
- 1
- 2
- 3
- . . .
- последняя (85) »
Іван ПТАШНІКАЎ
ЛОНВА
АПОВЕСЦЬ
Падзея, пра якую расказвае аповесць, адбылася ў нашых паўночных беларускіх лясах пасля вайны — у 1946 годзе. Людзі — сведкі яе — усе жывуць.
Аўтар
Раздзел першы
Жнівень. Ноч
Яны доўга стаялі на шашы...
Перад захадам сонца з зямлі сталі ўзлятаць вароны. Іх ганяла ветрам, чорных і лёгкіх, над раллёй, што цямнела далёка на пагорку за дарогай, аж ля маяка, куды трэба было ісці; іх прыносіла і сюды, да самай шашы, да моста, дзе тэлефонныя слупы, падымала, як шалёных, угору і шпурляла вобземлю, што леташняе збуцвелае лісце.
Сціх вецер — зніклі з вачэй вароны.
Толькі на захадзе, далёка за маяком, за рэдкі, выцераблены лес апускалася сонца, памалу-памалу — зачапілася і яшчэ доўга будзе вісець там, пакуль раптам не ацяжэе, не сарвецца і не знікне за сінім краем зямлі.
Было ціха.
Калі яны доўга глядзелі ад моста на гару, пачынаў дрыжаць у вачах малінавы захад і стукала ў галаве. Гэта ад цішыні. Глухой, даўкай і мяккай-мяккай... Такая цішыня пастае толькі ўвосень.
Восень на Мсціжаўшчыне пачынаецца ў жніўні. Пачынаецца ў такія ціхія цёплыя яшчэ вечары захадам сонца, калі на разасланы ўдзень на лагу ля дарогі лён ападае халодная, што вада са студні, раса; калі яшчэ на старым сіўцы на сцежцы гудуць познія пчолы, цяжкія, калматыя, а за плечы крадзецца холад — пастой доўга на дарозе, далёка ад вуглоў; калі яшчэ лётаюць над зямлёй чорныя жукі, гудуць, што вясной, а ў лагчыны спаўзаецца халодны туман, баючыся яшчэ, асцярожна, крадзецца ля самай зямлі, і здаецца тады, што ён хоча ахутаць, схаваць ад людскіх вачэй першыя асеннія ночы...
Калі яны крануліся дарогай, убачылі, што сонца яшчэ не зайшло. Гэта яны стаялі ў лагчыне ля моста, а падняліся дарогай на горку,— яно зноў выплыла з-за рэдкага лесу, загойдалася, вялікае-вялікае і блізкае. Цераз поле толькі перабегчы — і яго дастанеш рукамі. I на яго можна глядзець не прыжмурваючы воч — не слепіць. Мусіць, недзе там, дзе яно заходзіць,— густы туман.
Сонца зноў пачынае паволі ападаць за рэдкі лес — яно барвовае толькі знізу, зверху — жоўтае і — дрыжыць. Пасля яно раптам правальваецца між дзвюх сасновых вяршалін...
Яны зноў сышлі ў лагчыну.
На захадзе цяпер невялікі край неба стаў чысты і пунсовы: на пагоду; там заружавелася і рэдзенькая далёкая дарожка ад самалёта.
Яны ўжо звыкліся, што ім трэба будзе ісці пехатой аж чатыры з добрым гакам кіламетры: цямнеецца, каго станеш чакаць,— машыны з леспрамгасаўскай аўтакалоны больш не пойдуць. Вінаваты быў ён, сам Завішнюк. Калі разабрацца — то які чорт панёс яго нанач у Лонву са Мсціжаў, дзе давялося быць увесь дзень на нагах, дзе не выпала добра прысесці перакусіць... I яго дзяўчаты — Жэнька са Светай, якія маўчаць усю дарогу, між сабой нават не гавораць,— гэтага не даруюць яму.
За плячыма ў Завішнюка трыножнік, у адной руцэ скрынка, у другой скрынка... Яго дзяўчаты нясуць свае чамаданы і ягоны рэчавы мяшок. Яны ўзялі мяшок у яго з рук... Забрала сама Жэнька,— сабе на плечы.
Дарога, падняўшыся па пагорак, агінае лагчыну і выходзіць на лажок, які парос сіўцом і пад’ялоўцам. Воддаль, пад лесам, пад’ялоўцу ўжо не відаць: ён, як чорныя копкі сена, хаваецца ў белым тумане.
Наперадзе, на далёкім пагорку ля маяка, які чарнее на зялёным небе, што сухое дрэва, рыкаюць каровы: пастухі пагналі дамоў скаціну. За ёй падымаецца на дарозе белы пыл і цягнецца полем аж у вёску.
Брэша сабака, крычаць на сутонні пастухі, галёкаюць на ўсё горла, як і сто, як і дзвесце гадоў назад у гэтым лясным краі — на Мсціжаўшчыне.
Завішнюк падумаў, што пастухоў ужо не дагоніш, і пайшоў паволі: несці скрынкі было цяжка. Дзяўчаты дык тыя даўно прысталі — спыняліся і аставаліся ззаду.
Нылі над вухам рэдкія ўжо камары — баяліся холаду. Ля бяроз, што пазаціхалі нанач ля дарогі, пырхалі сініцы. Недзе ля вёскі, за кустамі ў тумане, гагаталі гусі і крычалі дзеці. Там, дзе зайшло сонца і дзе былі відаць рэдкія сосны, пачынала цяпер бялець у цемнаце новымі стрэхамі Лонва.
Побач недзе была яшчэ дарога. Там скрыпелі калёсы: з балота калгаснікі вазілі сена. Завішнюк бачыў іх ля моста на шашы, калі яшчэ было відна. У калёсах на
--">- 1
- 2
- 3
- . . .
- последняя (85) »