Xaliq əmmədov - Xoşbəxtliyin son həftəsi
Название: | Xoşbəxtliyin son həftəsi | |
Автор: | Xaliq əmmədov | |
Жанр: | Современные любовные романы, О любви | |
Изадано в серии: | неизвестно | |
Издательство: | SelfPub | |
Год издания: | 2021 | |
ISBN: | неизвестно | |
Отзывы: | Комментировать | |
Рейтинг: | ||
Поделись книгой с друзьями! Помощь сайту: донат на оплату сервера |
Краткое содержание книги "Xoşbəxtliyin son həftəsi"
Həyatda öz yerlərini tutmuş, olduqca müstəqil həyat tərzi sürən iki fərqli insanın – 40-50 yaşlı qadın və kişinin aralarında qəfil baş qaldıran məhəbbət nə deməkdir? Hətta, cavanlığın həsəd apara biləcəyi saf, məkrdən, riyaziyyatdan uzaq Sevgi! Belə münasibətlərin təbiətini neyropsixoloji və ya davranış biologiyası baxımından izah etməyə çalışsaq da, bu əsərdə Hakimlik edən gözəl məhəbbət həm saflığı ilə, həm də, əlçatmazlığı ilə toxunulmaz olaraq öz yüksəkliyində qalacaqdır.
К этой книге применимы такие ключевые слова (теги) как: Самиздат,любовные испытания,отношение к жизни,время и судьбы,книги для души
Читаем онлайн "Xoşbəxtliyin son həftəsi". [Страница - 7]
– Əzizim, əlvida! – pıçıldadı, arxaya döndü.
– Yaxşı yol, Roza, unutma məni, – sakit səslə desəm də, alınmad. Həyacanımı, qəmli olduğumu gizlədə bilmədim. Roza yaxşıca eşitdi qəmli pıçıltımı.
İki addım atdı, ikicə addım da atsaydı, qeydiyyat xəttinin arxasında olacaqdı. Dayandı. Qayıdıb üstümə cumdu. Göz yaşlarından islanmış dodaqları dodaqlarıma yapışdı. Xeyli beləcə qaldıq.
– Mənə çətin olacaq sənsizlik, əziz Rozam! – dedim.
– Mənə də, əzizim!..
Son dəfə vidalaşaraq əlini yellədi. Uzaqlaşdı, əridi, yox oldu. Həyatıma necə gəlmişdisə, eləcə də getdi. Düşündüm ki, hökmən hər ayda bir iki dəfə gələcəyəm hava limanına. Gələn təyyarələri qarşılayacağam. Birdən möcüzə baş verər…
…Havada kiçik nöqtəyə dönən təyyarənin dalıyca nə qədər baxdığımı deyə bilmərəm. Axır, yadıma düşdü ki, maşına minib evə qayıtmaq lazımdır. “Bəli, nə olar? Getdi Roza, yaxşı yol! Həyatı uğurlu osun! Bu gün üçün qurtardı söhbət!” Özümü sakitləşdirmək üçün: “…Biz hökmən görüçəcəyik” – düşündüm. Yəqin ki, bu sözlərlə ürəyimi, düşüncəmi, şüurumu sakitləşdirmək, reallığa qaytarmaq istəyirdim.
Telefonuma mesaj gəldi: “Əzizim! Sevirəm, sevəcəyəm! Sənə bu sevgim həyatımın sonuna qədər mənimlə olacaq, son nəfəsimə qədər!”
Üz tutdum 300 m aralı saxladığım maşına tərəf. Nədənsə addımlarım çətin atılır. Elə bil, gündə 5-6 km qaçan mən deyiləm. Birdən, mən başa düşdüm yorğunluğumun səbəbini: mən qayıtdım son illərdə unutduğum yaşıma.
Ömrüm, bədənim, şüurum son 5-10 dəqiqə ərzində haradasa, 10-15 il sıçrayış edərək, gəlib qanuni öz 56 yaşımın üstündə dayandı. Yarım saat qabaq, dünən, bir il qabaq mən ilişib qalmışdım gözəl gəncliyin son mərhələsini xatırladan bir dövrdə, uzağı, 35-40 yaşlı idim, Roza ilə həmyaşıd idim. Hətta, bəzən ikimiz də, daha da arxaya qayıdırdıq, 20-25 yaşa! Daha qayıda bilməyəcəm o yaşıma. Təkrar olunmayacaq o qayıdış! Artıq, 56 yaş yenə tutdu yaxamdan, bir daha buraxan deyil.
Bunu dəqiq başa düşdüm.
Gecə qaranlığında yanan saysız hesabsız yol fənərlərinin işığı ətrafa xüsusi gözəllik versə də, görmürəm bu gözəlliyi. Yeridikcə, çevrilib arxaya baxıram, ilk dəfə parkda Pozanı axtardığım gün kimi. Ürəyim şüurumun düşünmədiyi ümüdlərlə pıçıldayır: “Bəlkə minməyib Roza təyyarəyə, bəlkə, arxamca gəlir Roza?!” Sonra başımı qaldırıb göyləri çil-çırağa döndərən ulduzlara baxıram.
Haradasa, oralarda balaca bir nöqtə var, saatda 1000 km məndən əks tərəfə hərəkət edən, Rozanı məndən uzaqlaşdıran nöqtə…
--">
Книги схожие с «Xoşbəxtliyin son həftəsi» по жанру, серии, автору или названию:
Екатерина Ильина - Дерзкое счастье (СИ) Жанр: Современные любовные романы Год издания: 2013 |