Коллектив авторов - Цветная Триодь (на цсл., гражданский шрифт)
Название: | Цветная Триодь (на цсл., гражданский шрифт) | |
Автор: | Коллектив авторов | |
Жанр: | Религия и духовность: прочее, Христианство, Православие | |
Изадано в серии: | неизвестно | |
Издательство: | неизвестно | |
Год издания: | - | |
ISBN: | неизвестно | |
Отзывы: | Комментировать | |
Рейтинг: | ||
Поделись книгой с друзьями! Помощь сайту: донат на оплату сервера |
Краткое содержание книги "Цветная Триодь (на цсл., гражданский шрифт)"
Верстка выполнена в полном объеме, начиная со Светлой Пасхальной заутрени и заканчивая второй Неделей по Святой Пятидесятнице. Также в конце Триоди помещены ТРИПЕСНЦЫ, творение Иосифово (подробнее о них написано в соответствующем примечании).
* * *
Данная электронная версия Цветной Триоди полностью сверена с бумажной версией. Выполнена разметка текста для удобочитаемости; выделено различные образы слова МИР: мир (состояние без войны), мiр (вселенная, община), мν́ро (благовонное масло); добавлены ссылки для удобного перемещения по Триоди.
Читаем онлайн "Цветная Триодь (на цсл., гражданский шрифт)". [Страница - 342]
И ныне, Богородичен:
От Свята́го Ду́ха Чи́стая зачала́ еси́, безле́тно возсия́вшаго Сло́ва из нерожде́нна Отца́, и сего́ воплоти́вшася родила́ еси́, ра́ди кра́йняго Человеколю́бия и бла́гости, Богороди́тельнице ма́ти Де́во.
(обратно)
В пяток пятдесятныя недели
Трипеснец. Глас 5.
Песнь 5.
Ирмос: Одея́йся Све́том, я́ко ри́зою, / к Тебе́ у́тренюю и Тебе́ зову́: / ду́шу мою́ просвети́ омраче́нную, Христе́, / я́ко Еди́н Благоутро́бен.
Исходя́щаго от Безнача́льна Отца́ несумне́нно, на Сы́не же почива́ющаго Пресвята́го Ду́ха, ве́рнии славосло́вим.
Обновля́емаго в сердца́х на́ших, и назида́юща и освяща́юща, в ни́хже вселя́ется, со апо́столы све́тло восприи́мем.
Слава:
Неизреченноси́льнаго и всеси́льнаго, пре́жде истле́вшия обновля́ющаго, и просвеща́ющаго всех, Всесвята́го Ду́ха я́сно богосло́вим.
И ныне, Богородичен:
Горо́ я́вственная, горо́ присе́нная, ту́чная горо́ и усыре́нная, ю́же Бог возлюби́, свята́я Де́во, спаси́ рабы́ Твоя́.
Песнь 8.
Ирмос: Тебе́, Вседе́телю, / в пещи́ о́троцы, всемiрный лик спле́тше, поя́ху: / дела́ вся́кая, Го́спода по́йте / и превозноси́те во вся ве́ки.
Пребыва́ние бы́вших всех Ты еси́ Уте́шителю, и соблюде́ние, спаса́й ве́рою Тебе́ пою́щия.
Раздая́ние нетле́нных даро́в, и благода́ти пучи́на, и бога́тство неизглаго́ланное, Ты еси́ Ду́ше Боже́ственный и Святы́й: и Тя пое́м и превозно́сим во ве́ки.
Слава:
Живонача́льную и живоно́сную благода́ть, обновля́ющую нас, дохнове́нием Ду́ха Боже́ственнаго и Свята́го, пое́м и превозно́сим во ве́ки.
И ныне, Богородичен:
Соде́тель, Бо́жия Прему́дрость, те́ла храм из тебе́ Де́во созда́, спаса́й ве́рою Тебе́ Всечи́стая чту́щия, и превознося́щия во вся ве́ки.
Песнь 9.
Ирмос: Иса́ие, лику́й, Де́ва име́ во чре́ве / и роди́ Сы́на Емману́ила, / Бо́га же и Челове́ка, Восто́к и́мя Ему́, / Его́же велича́юще, Де́ву ублажа́ем.
Наш нача́ток Отцу́ Твоему́ Спа́се прине́сл еси́, и естества́ Боже́ственнаго бога́тство возда́в нам, посла́л еси́ благи́й и жизнотвори́вый Дух Святы́й, и собезнача́льный Тебе́ Влады́ко.
Нача́ток Божества́ ны́не да́рует естеству́ пе́рстному Дух О́тчий, и единоро́дному неотчужа́емый, но сбыва́я я́ко единоесте́ствен, и единосу́щен, и единоче́стен, и сопресто́лен.
Слава:
Небеса́ показа́л еси́ Спа́се, боже́ственныя Твоя́ ученики́, глаго́лющия язы́ки о́гненными Твое́ е́же к нам стра́шное схожде́ние, ны́не на них светотво́рное посыла́я де́йство, с небесе́ Уте́шителя.
И ныне, Богородичен:
Свята́го Ду́ха Богоро́дице была́ еси́ черто́г, из нея́же соде́тель Сло́во О́тчее про́йде я́ко челове́к, и в нас пожи́в, ны́не яви́ Тро́ицы позна́ние.
(обратно)
В субботу пятдесятную
Четверопеснец. Глас 6.
Песнь 6.
Ирмос: Жите́йское мо́ре, / воздвиза́емое зря напа́стей бу́рею, / к ти́хому приста́нищу Твоему́ прите́к, вопию́ Ти: / возведи́ от тли живо́т мой, Многоми́лостиве.
Де́йствовал еси́ пе́рвее во а́нгельских во́инствах, свяще́ние да́руя, и просвеща́я божества́ мо́лниями Ду́ше Святы́й, и соблюда́я еди́нственным освяще́нием.
Проро́ки показа́л еси́ могу́щия прозре́ти бу́дущих предве́дение, в сердца́х их я́ко благ, все́лься Уте́шителю, и да́льная прозира́ти устро́ил еси́.
Слава:
От земли́ возноси́ми Боже́ственных ра́ди доброде́телей, Христо́вы апо́столи, с небесе́ Ду́ха Влады́чня прише́дша прия́ша, и Божества́ заре́ю просия́ша.
И ныне, Богородичен:
Дух Святы́й соше́д на Тя, чи́стый де́вства храм соде́ла све́тло, Пречи́стый дом Сы́ну Вы́шняго Всеблаже́нная.
Песнь 7.
Ирмос: Росода́тельну у́бо пещь / соде́ла А́нгел / преподо́бным отроко́м, / халде́и же опаля́ющее веле́ние Бо́жие / мучи́теля увеща́ вопи́ти: / благослове́н еси́, Бо́же оте́ц на́ших.
Всевино́внаго Отца́ и роди́теля, еди́наго пре́жде век Сы́на, и происхо́дна Свята́го Ду́ха, ве́рнии согла́сно сла́вим при́сно: благослове́н Бог оте́ц на́ших.
Уте́шитель сво́йство Божества́ нося́ ны́не прии́де, апо́столом бо во о́гненных язы́цех бесе́дуя Бог, показа́ся я́ве: благослове́н Бог оте́ц на́ших.
Слава:
Небеса́ приснодви́жима единоче́стным --">Книги схожие с «Цветная Триодь (на цсл., гражданский шрифт)» по жанру, серии, автору или названию:
Коллектив авторов, Игорь Цуканов - Воспитание детей. Православный взгляд. Советы современных пастырей и святых отцов Жанр: Религия и духовность: прочее Год издания: 2020 Серия: Нравственные начала для родителей и воспитателей |
Коллектив авторов - И-Цзин. Китайская Книга Перемен. Древнейшее искусство предсказания будущего Жанр: Эзотерика, мистицизм, оккультизм Год издания: 2018 Серия: Духовные технологии |
Коллектив авторов - Правила дорожного движения РФ 2015 год Жанр: Справочники Год издания: 2015 |
Другие книги автора « Коллектив авторов»:
Коллектив авторов, Татьяна Леонидовна Астраханцева - Академик Императорской Академии Художеств Николай Васильевич Глоба и Строгановское училище Жанр: Биографии и Мемуары Год издания: 2012 |
Коллектив авторов - Искусство Древнего мира Жанр: Искусствоведение Год издания: 1956 Серия: Всеобщая история искусств |
Коллектив авторов - Городские сказки Жанр: Фэнтези: прочее Год издания: 2018 Серия: Городские сказки |
Коллектив авторов - Помпеи: сгинуший город Жанр: Научно-популярная и научно-познавательная литература Год издания: 1997 Серия: Энциклопедия Исчезнувшие цивилизации |